श्रावण ५ शुक्रबार,२०८०/दाङ-
दाङको तुल्सीपुर बसपार्कमा ७३ वर्षीया वृद्धामाथि सामुहिक बलात्कार भएको छ।
बिहीवार राती करिब १२:३० बजे पार्किङ गरिएको ना. ४ ख ७८४८ नम्बरको बसमा सो घटना भएको हो। कसैले सो घटना भएको थाहा पाएपछि प्रहरीलाई खबर गरेका थिए।
प्युठानकी एक ७३ वर्षीया वृद्धालाई खाना खुवाउने भन्दै तुलसीपुर-१५ का पुष्कर रोका र सल्यानको कुमाख-७ का रेशम विकले बसभित्र लगेर बलात्कार गरेको, ईलाका प्रहरी कार्यालय तुलसीपुरका प्रमुख पुष्पराज मल्लले जानकारी दिएका छन।
दुबै अपराधीहरुलाई नियन्त्रणमा लिएर प्रकृया अगाडि बढाएको मल्लले बताए।
