पुष २२ आइतबार,२०८०/काठमाडौं-
एमालेले आसन्न राष्ट्रिय सभाको निर्वाचनमा १९ सिटमा एक्लै भिडने भएको छ । प्रतिपक्षमा बसेको एमालेले सत्ता गठबन्धसँग मिलेर चुनावमा जान न हुने कुरामा एमाले नेताहरुको एकमत भएपछि एक्लै चुनावमा भिडने केन्द्रिय सचिवालयले निर्णय गरेको हो ।
यसअघि एमालेले सत्ता गठबन्धनका मुख्य घटक नेपाली काङ्ग्रेस र माओवादीसँग विभिन्न चरणमा आन्तरिक छलफल चलाएको थियो ।
“सत्ता गठबन्धनकै कुरो टुंगो न लागेकोले हामी अन्योलमा न बस्ने निधो गर्यौ । हामी एक्लै राष्ट्रिय सभाको निर्वाचनमा सहभागी हुन्छौं अब,” एमालेका एक जना नेताले बताए ।
हाल राष्ट्रिय सभामा एमालेका १७ सांसदहरुको उपस्थिति भएपनी आसन्न निर्वाचनमा यो संख्या न बढेको अवस्थामा, अबको २ वर्षपछि एक जनामा मात्रै सिमित हुनेछ ।
