भारतीय राज्य महाराष्ट्रका उपमुख्यमन्त्री अजित पवारको विमान दुर्घटनामा निधन !

राजनीति समाचार
माघ १४ बुधबार,२०८२/महाराष्ट्र-
भारतीय राज्य महाराष्ट्रका उपमुख्यमन्त्री अजित पवार सवार विमान बारामतीमा दुर्घटनाग्रस्त हुँदा ६६ बर्षको उमेरमा उनको निधन भएको छ ।
बुधबार बिहान मुम्बईबाट बारामतीका लागि उडेको चार्टर विमान अवतरणका क्रममा दुर्घटनामा परेको हो ।
विमानमा उनीसँगै रहेका एक जना सुरक्षाकर्मी, पीए र दुई जना चालक दलका सदस्य सहित सबै पाँच जनाको मृत्यु भएको छ ।
नेता पवार जिल्ला परिषद् चुनावका सन्दर्भमा आयोजित एक जनसभालाई सम्बोधन गर्न त्यहाँ जाँदै थिए ।
दुर्घटनामा विमान पूर्ण रूपमा क्षतिग्रस्त भएको थियो । उनी महाराष्ट्रका पुर्व मुख्य मन्त्री शरद पवारका भतिजा हुन र १९८२ देखि उनी राजनितिमा लागेका थिए ।
धनाढ्य राजनीतिज्ञका रुपमा चिनिने उनले आफ्नो कुल १२४ करोड भारतीय रुपैया बराबरको सम्पत्ति छोडेर गएका छन ।