चैत्र २६ शुक्रबार,२०८२/काठमाडौं-
श्रम संस्कृति पार्टीकि २५ वर्षकी सांसद रुबी कुमारी ठाकुर उपसभामुख बनेकी छिन ।
शुक्रबार उपसभामुखको निर्वाचनमा सफल भएकी रुबी कुमारी ठाकुर हाल सम्मकै कम उमेरकी उपसभामुख हुन ।
उनलाई सभामुख डोलप्रसाद अर्यालले शपथ खुवाएका थिए ।
उपसभामुख ठाकुरलाई २२९ मत हासिल भएको थियो भने राप्रपाकी सांसद सरस्वती लामाले ५ मत मात्र प्राप्त गरेकी थियिन ।
लामालाई आफ्नो पार्टीको मात्र समर्थन रह्यो । त्यस्तै २२ जना सांसद तटस्थ बसेका थिए ।
यता निर्वाचित उपसभामुख ठाकुरको पक्षमा भने श्रम संस्कृति, रास्वपा, नेपाली कांग्रेस र नेकपाले मत दिएका थिए ।
