जेठ २३ शनिबार,२०८३/काठमाडौं-
प्रधानमन्त्री बालेन शाहको सीमा सम्बन्धी विवादास्पद अभिव्यक्ति विरुद्ध श्रम संस्कृति पार्टीले प्रदर्शन गरेको छ ।
शनिबार प्रधानमन्त्री शाहको विवादास्पद अभिव्यक्ति राष्ट्रिय हित विपरीत रहेको भन्दै श्रम संस्कृति पार्टीले काठमाडौँको माइतीघरमा विरोध प्रदर्शन गर्दै खबरदारी सभा गरेको हो ।
प्रधानमन्त्रीले नेपालले पनि भारतको भूमि मिचेको भन्ने अभिव्यक्त दिए लगत्तै विभिन्न राजनीतिक दल तथा साधारण नागरिकले समेत असन्तुष्टि ब्यक्त गरेका छन ।
उनले संसदमा सम्बोधन गर्दै भनेका थिए कि उनले पनि प्रधानमन्त्री भएपछि नै थाहा पाएका थिए कि भारतले नेपालको जग्गा मात्र हैन नेपालले पनि भारतको जग्गा धेरै ठाउँमा मिचेको छ भनेर ।
लगत्तै सत्तारुढ प्रधानमन्त्रीको दल बाहेक सबै दलहरुले प्रतिनिधि सभामा सो अभिव्यक्ति लज्जास्पद भएको भन्दै उनले माफी माग्नुको साथै संसदको रेकर्डबाट सो कुरा हटाउनु पर्नेमा जोड दिएका थिए ।
यसैगरी राष्ट्रिय सभामा पनि विभिन्न राजनितीक दलका सांसदहरुले आपत्ती जनाउदै बैठक अवरुद्ध गरेका थिए ।
यसअघि अखिल क्रान्तिकारी लगायतका बिध्यार्थी संगठनहरुले पनि विरोध प्रदर्शन गरि सकेका छन ।
प्रतिक्रिया दिनुहोस्