सरकार विवाह उमेर घटाउने तयारिमा

जेठ १, २०७९/काठमाडौं-

सरकार विवाह गर्ने उमेर २० बाट संशोधन गरि घटाउने तयारीमा लागेको छ ।

कानुन न्याय तथा संसदीय मामिलामन्त्री गोविन्द कोइराला बन्दीले बुधबार संसदमा बोल्दै सरकारले विवाह गर्ने उमेर संशोधन गर्न लागेको जानकारी गराए ।

“२० वर्ष पुगेर मात्रै विवाह गर्ने कानुन अव्यवहारिक छ र यसले अपराध निम्त्याउने भएकोले संशोधन गर्न लागिएको हो,” उनले बताए ।

‘१६ वर्षमा नागरिकता पाइन्छ। १८ वर्षमा मतदान गर्न पाइन्छ। बिहे गर्न २० वर्ष पुग्नुपर्छ यो व्यावहारिक भएन’, उनको जोड रह्रो, ‘विहे गर्न २० वर्ष कुर्नुपर्ने अवस्था कुनै पनि स्ट्याण्डर्डले देखाउँदैन,” उनले थपे ।

यसैबीच, विवाह गर्ने उमेर सरकारले घटाउन लागेको भन्दै कतिपय बौद्धिक तथा कानुन व्यवसायीले भने यसको विरोध गरेका छन ।

“२० बर्ष उमेर घटाउनु हुन्न किन भने यस उमेरको उनीहरु आफ्नो क्यारिअर बनाउने चरणमा हुन्छन र शारीरिक रुपले पनि आमा बन्न वा पारिवारिक जिम्मेवारी बहन गर्न तयार भइ सकेका हुदैनन,” अधिवक्ता तथा अधिकार कर्मी मिरा ढुंगानाले बताइन् ।

“बरु उनीहरुलाई काउन्सिलिङ गर्नु पर्छ, विवाह उमेर घटाउनु बेठिक हो,” उनको सुझाउ छ ।

प्रकाशित मिति : २०७९ असार १ गते बुधबार