उक्त सनशनीपुर्ण अडिओ मंगलबार साँझ सार्वजनिक भएपछि खैलाबैला मचिएको छ र आजै दिउँसो १:३० बजे न्याय परिषद्को आकस्मिक बैठक बस्दै छ ।
न्युज २४ को टेलिभिजनको ‘सिधा कुरा जनतासँग’ कार्यक्रममा जिल्ला न्यायाधीश कोइराला र अधिवक्ता पोखरेलबीच भएको टेलिफोन संवाद प्रसारण भएको थियो ।
झन्डै १० मिनेट लामो उक्त अडिओमा अधिवक्ता पोखरेलले न्यायाधीश कोइरालालाई यस्तो अवसर फेरि-फेरि नआउने भन्दै धरौटीमा छोड्ने आदेश दिन फकाउछन । त्यसका लागि आफूले प्रधानन्यायाधीश देखि काठमाडौं जिल्ला अदालतका पहिलो नम्बरका न्यायाधीशलाई पनि भन्ने आश्वासन दिन्छन्।
सुरूमा आफ्नो जागिर जान्छ कि भनेर डराएका न्यायाधीश कोइराला उच्च अदालतमा पनि उनकै आदेश सदर गराउने अधिवक्ता पोखरेलको आश्वासनपछि सहमत हुन्छन्।
सिभिल सहकारी ठगी मुद्दामा हिरासतमा राखी थुनछेक बहस चलिरहेको बेला न्यायाधीश कोइरालालाई फोन गरी पोखरेलले १० करोड धरौटी माग गरेर थुनामुक्त गरिदिन आग्रह गरेका छन् । त्यसरी थुनामुक्त गरिदिने प्रयोजनका लागि आफूले २ करोड लिने कुरा पनि पोखरेलले न्यायाधीश कोइरालालाई सुनाएका छन् ।
सर्वसाधारणको आठ अर्ब ठगीको आरोपमा पक्राउ परेका तामाङलाई काठमाडौं जिल्ला अदालतबाट कोइरालालेनै पुर्पक्षका लागि थुनामा पठाउन आदेश दिएका थिए ।
प्रतिक्रिया दिनुहोस्