
असार २८, २०७९/काठमाडौं-
नेपाल राष्ट्र बैंक
गभर्नर महाप्रसाद अधिकारी एमाले अर्थ विभागका सदस्य रहेको खुलासा भएको छ ।
मंगलबार नेकपा एमालेले जारी गरेको अन्तरपार्टी निर्देशन (अपनि) मा अर्थ तथा योजना विभाग सदस्यमा ‘एम. अधिकारी, खोटाङ’ को नाम देखेपछि निकै चर्चाको बिषय बनेको छ ।
अर्का एक जना एमाले श्रोतका अनुसार एमालेमा कर्मचारी वा सरकारी नियुक्ति लिएका कार्यकर्ताहरुले यसरीनै गोप्य तरिकाले पार्टी कमिटी वा विभागमा सांकेतिक नाम राख्ने चलन पहिले देखिनै छ ।
ऐनको दफा २२ को उफदफा ५ मा दफा २१ बमोजिम अयोग्य भएमा पदमुक्त हुने व्यवस्था छ । सरकारले जाँचबुझ समिति गठन गरेर मात्रै पदमुक्त गर्न सक्ने व्यवस्था छ ।
नेपाल राष्ट्र बैंक कर्मचारी सेवा विनियमावली, २०६८ ले प्रचलित कानून बमोजिम आफूले पाएको मतको अधिकार प्रयोग गर्न बाहेक अन्य कूनै पनि किसिमबाट कर्मचारीले चुनाव तथा राजनीतिमा भाग लिन नहुने व्यवस्था गरेको छ ।
२४ चैत २०७६मा अधिकारी गभर्नरमा नियुक्त भएका थिए । उनी त्यसअघि लगानी बोर्डमा प्रमुख कार्यकारी अधिकृत (सीईओ) थिए । ९ असार २०७३मा लगानी बोर्ड गएका उनी त्यसअघि राष्ट्र बैंकको डेपुटी गभर्नर थिए ।
अधिकारीलाई केपी ओलीले धेरै उम्मेद्वारहरुलाई पाखा लगाउदै २०७७ मा नेपाल राष्ट्र बैंकको गभर्नर नियुक्त गरेका थिए ।